Telefonğa telmirgen waqıt

«Bizdiñ waqıt» xabarı

13:50, 12 qaraşa 2019   138

«Bizdiñ waqıt» xabarın «Astana» radïosınan düysenbi men juma aralığında 10:00 men 13:00 aralığında tıñday alasız.

«Bizdiñ waqıt» xabarınıñ kezekti şığarılımı «Telefonğa telmirgen waqıt» taqırıbına arnaldı. 

XXİ ğasırdıñ alğaşqı on jılı işinde ğana dünïe jüzindegi ïnternetke qosılğan adam sanı 350 mïllïonnan 2 mïllïardqa deyin ösken. Al, uyalı telefon baylanısın paydalanwşılar da osı kezeñde 750 mïllïonnan 5 mïllïardqa deyin köterilgen. Büginde bul körsetkiş 6 mïllïardtan astı. Texnologïya däwiri osı üderisinen jañılmay damï beretin bolsa, aldağı bes-on jılda jer beti xalqı ïnternetpen tolıq qamtıları sözsiz. Jahandanw jolındağınıñ bärin japırıp, qazaqtıñ ömirine, turmıs-tirşiligine dendep endi.

«Budan qaşıp qutıla almaymız» dep şarasızdıq tanıtqannan göri, memlekettik deñgeyde oylanbasqa bolmaydı. Moyındaw kerek, ïnternet – kez kelgen texnologïya sekildi paydası men ıqtïmal zïyanı, artıqşılığı men kemşiligi qatar jüretin kürdeli qubılıs. Onıñ, äsirese, jastardıñ jadısın joyuğa keri äseri köp. Jastayınan öleñ jattap, esep qurastırıp, qïsındı amaldardı öz betinşe şeşetin bala men kez kelgen dünïeni komp'yuterden izdeytin jetkinşektiñ qabilet-qarımın salıstırwğa kelmeydi. Olay bolsa, bügingi jastardıñ waqıttı ünemdewdi sıltawratıp, ïnternetke jüginwi jaqsılıqqa aparmaytının keñinen tüsindirw äbden kerek.  Osı tusta ata-analardan da kinä bar,balası jılay qalsa boldı qolına telefondı berip tınıştandırıp jatadı.Ğalamtordı zïyan dep tübegeyli qarsılıq bildirwge de bolmaydı, degenmen onıñ da öz mölşeri boladı.

Üş sağatqa sozılatın éfïr waqıtın barınşa tïimdi paydalanıp, künniñ bastı taqırıbın talqılap, otandıq jäne şeteldik çarttardağı xït änder men qızıqtı suxbat tıñdap, äzilge külip, tanımdıq aqparattarmen swsındañız. Sonday-aq, oyındarğa qatısıp, türli sıylıqtardan qur qalmañız. Ïnteraktïv türinde ötetin bağdarlama barısında tıñdawşınıñ öz oyımen bölisip, äñgime aytwına ülken mümkindik bar. Tikeley éfïr nömiri: /7172/ 75 72 77. WhatsApp jelisindegi nömir: 8 700 101 000.

«Bizdiñ waqıt» bağdarlamasınıñ jürgizwşileri: Aqmaral Kökenayqızı jäne Nurtas Nurğalï. 

Bağdarlamanıñ tolıq nusqasın murağattan jäne tömendegi siltemeden tıñday alasız. 

https://astana.fm/kz/archive/programs/akparat_astana/buzdun_uakit/1044669

https://astana.fm/kz/archive/programs/akparat_astana/buzdun_uakit/1044673

https://astana.fm/kz/archive/programs/akparat_astana/buzdun_uakit/1044675