Jañalıqtar

Qazaqstan jäne älemdegi soñğı jañalıqtar

16:00, 27 qaraşa 2019   136

Bügin Bişkekke memlekettik saparmen barğan Qazaqstan Prezïdenti Qasım-Jomart Toqaev pen Qırğızstan Prezïdenti Sooronbay Jéénbekov «Ata-Beyit» ulttıq tarïxï-memorïaldıq keşenine bardı, dep xabarlaydı QazAqparat. Memleket basşıları qwğın-sürgin qurbandarınıñ monwmentine güldestesin qoydı. Osıdan keyin eki el Prezïdentteri älemge äygili jazwşı Şıñğıs Aytmatovtıñ beyitine barıp, marqumnıñ rwxına quran bağıştadı. Qazaqstan Prezïdenti memlekettik saparı kezinde eki jaqtı  kelissözderge qatısadı. Odan keyin eki el delegacïyalarınıñ qatıswımen Qazaqstan Respwblïkası men Qırğız Respwblïkası Joğarı memleketaralıq keñesiniñ kezekti besinşi otırısı ötedi.

***

«Darın» memlekettik jastar sıylığınıñ ïegerleri anıqtaldı. Bul sıylıq jastarğa ğılımï, şığarmaşılıq, qoğamdıq qızmeti, sonday-aq joğarı sporttıq jetistikteri üşin beriledi. «Darın» sıylığı Ükimet qawlısımen 10 nomïnacïya boyınşa tağayındaladı. Onıñ işinde «Èstrada»,  Klassïkalıq mwzıka, Xalıq şığarmaşılığı, Ädebïet, Teatr jäne kïno, Sport, Dïzayn jäne beynelew öneri, Jwrnalïstïka, Qoğamdıq qızmet, Ğılım atalımdarı bar. Eske sala ketsek, Qazaqstan Respwblïkası Ükimetiniñ «Darın» memlekettik jastar sıylığınıñ 2019 jılğa arnalğan mölşeri är nomïnacïya boyınşa 600 mıñ teñge mölşerinde belgilengen.

***

«Awıl» xalıqtıq-demokratïyalıq patrïottıq partïyasınıñ 16-şı sïezinde partïya törağasısı bolıp Älï Bektaev qaytadan saylandı, dep xabarlaydı QazAqparat. Jïında partïyanıñ sayasï keñesiniñ jaña quramı bekitilip, jarğısına özgertwler men tolıqtırwlar engizildi. Ayta keteyik, «Awıl» xalıqtıq-demokratïyalıq patrïottıq partïyası osıdan tört jıl burın Qazaqstan socïal-demokratïyalıq partïyası men Qazaqstan patrïottar partïyasınıñ birigwi nätïjesinde qurıldı. Qazirgi tañda elimizdiñ barlıq öñirinde 17 fïlïalı jumıs isteydi. Partïyanıñ mindeti - fermerler men awıl eñbekkerleriniñ, barşa qazaqstandıqtardıñ müddesin bildirw. Soñğı aqparat boyınşa partïyanıñ 298 mıñnan astam müşesi bar.

***

"Zañ" medïa-korporacïyası quramındağı "Zañ gazeti" men " Yurïdïçeskaya gazeta" basılımdarına - 25 jıl! Bügin seriktestik äl-Farabï atındağı QazUW-niñ Zañ fakwl'tetimen birlesip, "Qazaqstandağı quqıqtıq mädenïettiñ qalıptaswındağı baspasözdiñ röli" taqırıbında ğılımï-täjirïbelik konferencïya ötkizwde. Şara jayında "Zañ gazetiniñ" 2001-2005 jıldardağı bas redaktorı Şarafaddïn Ämirov ayttı.

http://astana.fm/ru/archive/programs/adebi-sazdy/zhanalyqtar/1051485