Jañalıqtar

Qazaqstan jäne älemdegi soñğı jañalıqtar

12:00, 29 qaraşa 2019   146

Ewropalıq Odaq / Ortalıq Azïya elderine 28 mln ewro ïnvestïcïya saladı. Bul twralı Ewroodaqtıñ Qazaqstandağı elşisi Sven-Olov Karlson mälimdedi dep jazadı ïnbïznes kz saytı. Qomaqtı qarajat Orta Azïya elderiniñ turaqtılığı men damwı, aymaqtıq baylanıstardı arttırw, zañ üstemdigi men sawda-sattıqtı ulğaytw maqsatına jumsalmaq. Bul üşin Nur-Sultanda alğaş ret Ortalıq Azïya elderin damıtwğa arnalğan üşjıldıq bağdarlama qabıldandı.  Èkonomïkalıq ıntımaqtastıq jäne damw uyımı ökilderiniñ aytwınşa, Qazaqstan Ortalıq Azïya elderiniñ arasında turaqtı damıp kele jatqan aldıñğı qatarlı memleket.

***

Elordadağı Täwelsizdik sarayında «Äbiş älemi» oqw kongresi ötip jatır. Şara  Qazaqstannıñ xalıq jazwşısı, memleket jäne qoğam qayratkeri Äbiş Kekilbayulınıñ 80 jıldıñ mereytoyına oray ötkizip otır. Şaranıñ maqsatı – Äbiş Kekilbayulınıñ şığarmaşılığın nasïxattap, qazaq ädebïetiniñ qundılıqtarın xalıqaralıq ğılımï jüyege siñirw. Jazwşınıñ 80 jıldığına oray Täwelsizdik sarayında «Äbiş älemi» fotogalereyası aşıldı. Körmede jazwşı kitaptarınıñ cïfrlıq köşirmeleriniñ QR kodtarı men jeke murağattağı fotoswretteri usınılğan. Bügingi ädebï kezdeswde jazwşınıñ ömiri men şığarmaşılığı jayında äñgimeler aytıladı. Awqımdı şara «Şıñıraw» körkem fïl'mimen bastaldı.

***

Oslo qalasınıñ  Ädebïet üyinde Qazaqstan Respwblïkasınıñ Tuñğış Prezïdenti – Elbası Nursultan Nazarbaevtıñ «Beybitşilik kindigi» kitabınıñ norveg tilindegi nusqasınıñ tusawkeser räsimi uyımdastırıldı.  «Beybitşilik kindigi» kitabı tek yadro­lıq sınaqtardıñ tarïxı men Qa­zaq­­stannıñ yadrolıq älewetin bölşek­tew twralı ğana emes, ol adamzattı yadrolıq qa­rw­dan azat älem qurw twralı oyğa je­­teleydi», – dedi tusawkeser barısında Qa­zaqstannıñ Norvegïyadağı elşisi Erkin Aqınjanov. Mätindi norveg tiline xalıq­aralıq sayasattanwşı jäne käsibï awdar­maşı Nïkolay Gerov awdardı.

***

Elordada Respwblïkalıq «Jas Sarbaz» äskerï-patrïottıq änder festïvaliniñ qorıtındısı şığarıldı. Türli öñirden kelgen 300 jas patrïottar öz önerlerin körsetti. «Aspaptıq orındaw» nomïnacïyasında Aqtöbe qalası «Jas Ulan» ürmeli orkestri üzdik dep tanılsa, «Fol'klor» nomïnacïyasında «Balbırawın» ansambli, «Vokaldan» Èl'zara Kwraïsova birinşi orındı ïelendi. Festïval'diñ bastı sıylığı, Gran-prï «Arıstan» mamandandırılğan lïceyiniñ «Avangard» ansambline buyırdı. Jeñimpazdar men jüldegerlerge sıylıqtar, «Jas Sarbaz» müsinşeleri men dïplomdar berildi.

***

Japonïya astanası Tokïoda batwttağı gïmnastïkadan 34-şi älem çempïonatı ötwde.  2020 jılğı Olïmpïada oyındarına lïcenzïya beretin twrnïrde qazaqstandıq sportşılar iriktewden öte almadı.  Qazaqstan sapınan eñ joğarğı nätïjeni tirkegen Danïl Musabaev. Ol 31-şi orınğa turaqtadı. Pïrmammad Alïev 38-şi, Danïyar Tüsipov 79-şı, Ïgor' Graçev 96-şı satıda. Äzirge Belarws' jäne Qıtay sportşıları köş basında tur.  Ayta keteyik, batwttağı gïmnastïkadan älem çempïonatında 1 men 8-şi orındar arasındağı sportşılarğa Olïmpïada joldaması beriledi.   

https://astana.fm/ru/archive/programs/adebi-sazdy/zhanalyqtar/1052436