Jañalıqtar

Qazaqstan jäne älemdegi soñğı jañalıqtar

16:00, 29 qaraşa 2019   144

Budan bılay sıbaylas jemqorlıq däyegi rastalğan uyımnıñ birinşi basşısı on kün işinde otstavkağa ketwge mindetti. «Qazaqstan Respwblïkasınıñ keybir zañnamalıq aktilerine memlekettik qızmet jäne sıbaylas jemqorlıqqa qarsı is-qïmıl mäseleleri boyınşa özgerister men tolıqtırwlar engizw twralı» zañğa engizilgen jañaşıldıq osı. Mamandar memleket basşısı qol qoyğan qujattıñ eldegi para alw mäselesin azaytadı degen senimde. Elordada jıl basınan beri türli salada 40-tan asa sıbaylas jemqorlıq qılmıstarı anıqtalğan. Onıñ işinde jergilikti atqarwşı organnıñ 2 lawazımdı tulğası sottaldı. Bügin bas qalada sotqa deyingi tergew nätïjeleri boyınşa 10 is qaraldı.

***

Ènergïya-servïstik kelisimşrat jobası 5 mlrd teñgege deyin qarajattı ünemdewge mümkindik beredi. Bul twralı Ïndwstrïya jäne ïnfraqurılımdıq damw vïce-mïnïstri Amanïyaz Erjanov ayttı. Bügingi küni énergïya ünemdew kartası ayasında 117 joba, onıñ işinde 56 mlrd teñgeden astam somağa memlekettik-jekeşelik äriptestiktiñ énergïya-servïstik kelisimşart tetikteri arqılı 58 joba jüzege asırılıp jatır. Kütiletin ünem soması 4 mlrd 800 mln teñgeni quraydı.

***

Bayqoñır ğarış aylağında 2020 jılğı uşırılımğa dayındıq jumıstarı jürip jatır. Ondağı «Soyuz-2» zımıran-tasığışın OneWeb brïtanïyalıq spwtnïktik jüyesiniñ ğarış qurılğısımen orbïtağa şığarw josparlanıp otır. Bul twralı Roskosmostıñ baspasöz qızmeti xabarladı. «Soyuz-2» zımıran-tasığıştarı Bayqoñır ğarış aylağınan, Vostoçnıy jäne Gvïan ğarış ortalıqtarınan OneWeb ğarış jüyesiniñ 573 baylanıs spwtnïgin 21 ret uşıradı.

***

AQŞ prezïdenti Donal'd Tramp kenetten Awğan jerine issaparmen bardı, dep xabarlaydı «Xabar 24». Bul onıñ prezïdent retinde Awğanstanğa alğaş ret kelwi. Tramptıñ bul josparı jayında aldın ala xabarlağan joq. «Reyter» aqparat agenttiginiñ aqparatına sensek, Aq üy basşısı Awğanstan prezïdenti Aşraf Ğanïmen kezdesip, AQŞ-tıñ äskerï bazasına soqqan. İssapar barısında Tramp aymaqtağı täliptermen kelissözder qayta jandanğanın xabarladı. Ayta keteyik, buğan deyin biraz waqıtqa sozılğan AQŞ – Talïban kelissözi sätsiz ayaqtalğan bolatın. Kelisimge say AQŞ tarapı 135 künniñ işinde Awğanstandağı sarbazdarın elden şığarwı tïis edi. Osılayşa, taraptardıñ wağdalastığı äli de küşine engen joq.

***

Ïrakta xalıqtıñ jappay erewilderi basılar emes. Osı jolı eldiñ oñtüstik öñirindegi turğındar qayta bas köterdi. Tärtip saqşıları men erewilşilerdiñ qaqtığısınan 14 adam köz jumdı. «Reyter» aqparat agenttiginiñ xabarlawınşa, aşwğa boy bergender Nadjaf provïncïyasındağı Ïran konswldığınıñ ğïmaratın örtep jibergen. Narazı xalıq elde beleñ alğan jumıssızdıq pen jemqorlıqqa qarsı. Xalıqtıñ densawlıq saqtaw salasına da köñilderi tolmaydı. Ayta keteyik, osıdan eki ay burın bastalğan erewilderden jüzden astam adam mert boldı.

https://astana.fm/ru/archive/programs/adebi-sazdy/zhanalyqtar/1052451