Radïo twralı

 «Astana» radïosı – aqparattı-mwzıkalıq radïostancïya. Eñ alğaş 1999 jılı 19 qañtarda  101.4 FM tolqınında éfïrge şıqtı. Osı waqıttan bastap, radïo qızmetkerleri «Eñ tañdawlısı sen üşin» degen uranmen qızmet atqarwda.  Èfïrdegi jalpı waqıtı – 19 sağat.
 
2003 jıldıñ 1 aqpanınan bastap, «Astana» radïosı öziniñ éfïrlik formatın jañartıp, zaman talabına say, sandıq qurılğılarmen jumıs isteydi. Xabarlardıñ 60 payızı qazaq tilinde, 40 payızı orıs tilinde şığarıladı. Sonımen qatar, radïonı ïnternet jelisi arqılı tıñdawğa boladı - http://astanafm.kz. «Astana» radïosınıñ saytı http://astanafm.kz 2013 jıldıñ 22 nawrızında aşıldı. 2013 jıldıñ 20 qaraşasınan vïdeotranslyacïya bastaldı.
 
2009 jılı 19 qañtarda «Astana» radïosı öziniñ 10 jıldıq mereytoyın atap ötti.
 
Radïo 1999 jäne 2003 jıldardağı eñ üzdik aqparattı toptaması üşin «Altın Juldız» jüldesin jeñip alıp, 2006 jılı «Üzdik radïo» atağına ïe boldı.
 
2013 jılı buqaralıq aqparat quraldarı qızmetkerleriniñ käsibï merekesine oray «Qazaqstan» teleradïokorparacïyası» AQ uyımdastırğan bayqawda «Astana» radïosınıñ redaktor-jürgizwşisi Aqbota Axmet «Üzdik redaktor-jürgizwşi» atalımında top jarıp, Basqarma törağasınıñ Alğıs xatımen marapattaldı. Al, QR Mädenïet jäne aqparat mïnïstrligi men Qazaqstan xalqı Assambleyasınıñ tikeley qoldawımen ötken étnojwrnalïstïka salasındağı respwblïkalıq «Şañıraq» bayqawında «Astana» radïosınıñ redaktor-jürgizwşisi Janbolat Şäkim «üzdik» dep tanılıp, 1-şi orındı ïelendi.
 
Ïndwstrïya jäne jaña texnologïyalar mïnïstrliginiñ uyımdastırwımen ötken «Örlew aqparatı» bayqawında «Ïnnovacïya taqırıbındağı üzdik radïo bağdarlaması» atalımı boyında redaktor-jürgizwşi Gülzat Axmetova 1-şi orınğa ïe boldı. Mwzıkalıq jürgizwşi Maqpal Amanbay «Nur Otan» partïyası uyımdastırğan «Astana: jastar közimen» konkwrsınıñ «Onlayn profï» atalımınıñ jeñimpazı atandı. Sonday-aq, Astana qalası Tötenşe jağdaylar departamenti qızmetkerleriniñ qïın da qaterli qızmetterin BAQ-ta keñinen nasïxattağanı üşin, Maqpal Amanbaydıñ «1001 käsip» bağdarlaması «Eñ üzdik radïoxabar» dep tanıldı.
 
Ayta keteyik, «Astana» radïosınıñ mwzıkalıq jürgizwşisi Zeynet Musabaeva «Damw» käsipkerlikti damıtw qorı» AQ-nıñ BAQ ökilderi arasında «Bïznestiñ jol kartası-2020» bağdarlaması nemese jalpı elimizdegi käsipkerlik twralı üzdik materïaldı anıqtawğa arnalğan «Qazaqstandağı käsipkerlik BAQ nazarında» attı bayqawında «Üzdik radïosyujet (reportaj)» atalımı boyınşa 1-şi orındı ïelendi.