Sizde qanday jaman ädetter bar?

«Bizdiñ waqıt» xabarı

13:30, 28 qaraşa 2019   265

«Bizdiñ waqıt» xabarın «Astana» radïosınan düysenbi men juma aralığında 10:00 men 13:00 aralığında tıñday alasız.

«Bizdiñ waqıt» xabarınıñ kezekti şığarılımı «Sizde qanday jaman ädetter bar?» taqırıbına arnaldı.

Birde ataqtı ğulama Platon köşede buzaqılıq jasağan balanı ustap alıp, ursıp bergen eken. «Meni bolar-bolmas närse üşin sonşa jazğırğanıñız qalay?» – dep renjigen balağa danışpan: «Jaman dağdığa eşqaşan elewsiz qarawğa bolmaydı», – dep eskertipti-mis.

Kündelikti ömirde köpşilik asa män bermeytin dağdınıñ adam ömirinde alar ornı erekşe. «Sınıqtan basqanıñ bäri juğadı» demekşi, adam – öz ortasına tez beyimdelip, körgen jağımdı-jağımsız qasïetterdi boyına tez juqtırıp aladı. Osı orayda äsirese jağımsız ädettiñ adamğa keri äseri men odan qalay arılwdıñ joldarın söz etw äñgime etwge turarlıq mäsele.

Èfïr barısında «Jaman ädet degenimiz ne özi?» degen suraqqa jan-jaqtı toqtalıp, qızıqtı pikirler men oylar aytıldı. Jaman ädet degenimiz – sırt közge unamsız, moral'dıq étïka normalarına say kelmeytin, adamnıñ jeke basına (densawlığına, bedeline, mansabına, t.b.) keri äserin tïgizetin, jïi qaytalanatın, soñı ökinişke ulasatın asa jağımsız qılıqtar. Aytalıq, temeki men işimdikke äwestik, ötirik aytw, jamandaw, özgelerdiñ qateligin qazbalaw, awızdı balağat sözge üyretw, eki kisini şağıstırw, qızğanış, qolın suğanaqtıqtan tıymaw, suranşaqtıq, t.b.

Üş sağatqa sozılatın éfïr waqıtın barınşa tïimdi paydalanıp, künniñ bastı taqırıbın talqılap, otandıq jäne şeteldik çarttardağı xït änder men qızıqtı suxbat tıñdap, äzilge külip, tanımdıq aqparattarmen tanısamın deseñiz, «Bizdiñ waqıt» xabarın tıñdañız. Sonday-aq, oyındarğa qatısıp, türli sıylıqtardan qur qalmañız. Ïnteraktïv türinde ötetin bağdarlama barısında tıñdawşınıñ öz oyımen bölisip, äñgime aytwına ülken mümkindik bar. Tikeley éfïr nömiri: /7172/ 75 72 77. WhatsApp jelisindegi nömir: 8 700 101 000.

«Bizdiñ waqıt» bağdarlamasınıñ jürgizwşileri: Aqmaral Kökenayqızı jäne Nurtas Nurğalï. 

Bağdarlamanıñ tolıq nusqasın murağattan jäne tömendegi siltemeden tıñday alasız. 

https://astana.fm/kz/archive/programs/akparat_astana/buzdun_uakit/1051691

https://astana.fm/kz/archive/programs/akparat_astana/buzdun_uakit/1051695